-
-
-
-
काठमाडौं । शहीद स्मारक ‘ए’ डिभिजन लिग फुटबलमा संकटा क्लब सिएमजीले सरस्वती युथ क्लबलाई हराएको छ ।
आईतबार भएको लिगको पहिलो चरणको दोस्रो खेलमा संकटाले सरस्वतीलाई १–० ले हराएको हो । खेलको अन्तिम मिनेटमा गोल गर्दै संकटाले लिगमा महत्वपूर्ण ३ अंक जोड्न सफल भयो ।
निर्धारित समयको खेल गोल रहित बराबरीमा सकिएको थियो । थपिएको अतिरित्त समयमा संकटाका लागि लक्ष्मण रुचालले निर्णायक गोल गरे ।
लिगको पहिलो खेलमा शनिबार आर्मी र एनआरटीले २–२ गोलको बराबरी खेलेका थिए । तीन अक जोड्दै संकटा लिगको अंकतालिकाको शीर्ष स्थानमा उक्लिएको छ ।
