काठमाडौं । लियोनल मेस्सीले गोल गरे पनि स्पेनिश ला लिगा फुटबल अन्तर्गत आइतबार रातिको खेलमा भ्यालेन्सियाविरुद्ध जित हासिल गर्न सकेन ।
बार्सिलोनाले महत्वपूर्ण २ अंक गुमाउने क्रममा १–१ को बराबरी खेल्यो ।
घरेलु मैदानमा खेलेको भ्यालेन्सियाले २ मिनेटमै अग्रता लियो । कर्नर मार्फत एजीक्वेल गेरेले गोल गरेपछि घरेलु टोलीले अग्रता लियो।
२३ औं मिनेटमा मेस्सीले उत्कृष्ट गोल गर्दै बार्सिलोनालाई बराबरी दिलाए।
त्यसपछि बार्सिलोनाले गोल गर्न भुल्यो । खेलमा ७५ प्रतिशत बल आफ्नो कब्जामा राखेर पनि बार्सिलोनाले गोल गरेन ।
यो बराबरीले बार्सिलोना १५ अंकसहित अंक तालिकाको दोस्रो स्थानमा झरेको छ । आइतबार राति सेल्टाभिगोलाई २–१ ले पराजित गरेको सेभिया १६ अंकसहित शिर्ष स्थानमा पुगेको छ ।
तेस्रो स्थानको एथ्लेटिको म्याड्रिडको १५ अंक छ । १४ अंकको रियाल मड्रिड चौथो स्थानमा छ ।
