काठमाडौं । इंगलिश प्रिमियर लिग फुटबलमा शीर्ष स्थानमा रहेको म्यानचेस्टर सिटीले आफ्नो अपराजित यात्रालाई अझै कायमै राखेको छ । मंगलबार राति भएको खेलमा शीर्ष स्थानमा रहेको म्यान्चेस्टर सिटीले वाटफोर्डलाई २–१ ले पराजित गर्यो । १५औं खेलसम्म अपराजित यात्रा लम्ब्याएको सिटीले खेलको ४० औं मिनेटमा लिरोए सानेको गोलबाट अग्रता बनाएको थियो ।
उनले रियाद महारेजको पासलाई सदुपयोग गरेका थिए । ५१औं मिनेटमा रियाद महारेजले गोल गरेपछि सिटीले खेलमा २–० को अग्रता बनाएको थियो । रियादले गाब्रियल जेससको पासलाई गोलमा परिणत गरेका थिए ।
८५औं मिनेटमा एबिडौलाय डाउकुरेले गोल गर्दै घरेलु टोलीलाई खेलमा फर्काउने संकेत दिए पनि त्यसपछि गोल भएन ।
सिटीको ४१ अंक भएको छ भने १३ खेलमा जित र २ खेलमा बराबरी खेलेको छ ।
सिटीले दोस्रो स्थानको लिभरपुलसँग ५ अंकको अग्रता बनाएको छ ।
