काठमाडौं । वर्षको पहिलो ग्रान्डस्लाम टेनिस प्रतियोगिता ‘अस्ट्रेलियन ओपन’ मा रसियन टेनिस सुन्दरी मारिया सारापोभाले विजयी सुरुवात गरेकी छिन् ।
३०औं वरीयता प्राप्त पूर्व नम्बर खेलाडी सारापोभाले सोमबार बिहान खेलिएको महिला एकलतर्फको पहिलो चरणको खेलमा ब्रिटिशकी आशालाग्दी खेलाडी ह्यारिट डार्टलाई ६–०, ६–० को सोझो सेटमा पराजित गरिन् ।
३१ वर्षीया सारापोभाले ब्रिटिश खेलाडीलाई राम्रो पाठ सिकाएको बेलायतबाट प्रकाशित हुने अनलाइनहरुले लेखेका छन् ।
चारै वटा ग्राण्डस्लाम जितेकी सारापोभाले हालसम्म फ्रेन्च ओपन दुई पटक तथा अस्ट्रेलियन ओपन, विम्बल्डन र यूएस ओपनको उपाधि एक–एक पटक जितेकी छिन्।
