काठमाडौं । विमान दुर्घटनामा ज्यान गुमाएका अर्जेन्टाइन फुटबल स्टार इमिलियानो सालाको विमान भेटिएको छ ।
दुई वटा डुंगाले निरन्तर खोजी जारी राखेपछि सालाको विमान भेटिएको हो । साला र उनका पाइलट डेभिड इब्बोट्सन नेन्टेसबाट कार्डिफका लागि गत जनवरी २१ तारिखमा उडेका थिए ।
तर उनीहरु सवार विमान बेपत्ता भएको थियो । बेपत्ताको दुई हप्तापछि फेला पारिएको हो ।
फ्रान्सको नेन्टेसबाट बेलायतको वेल्स आउनका लागि उडेका साला बेपत्ता भएका थिए । उनी इंगलिश प्रिमियर लिग खेल्नका लागि कार्डिफ सिटी आउँदै थिए ।
विमान भेटिएपछि घटना कसरी भएको थियो भन्नेबारेमा तथ्य पत्ता लाग्ने जनाइएको छ ।
