काठमाडौं। सानिमा बैंकले शैक्षिक क्षेत्रमा टेवा पुर्याउने उद्देश्यले टिच फर नेपाललाई दश लाख रूपैयाँ सहयोग गरेको छ। सरकारी विद्यालयमा पढ्ने नेपालीलाई उच्च स्तरीय शिक्षा दिने उद्देश्यले टिच फर नेपाल करिब ६ वर्षदेखि कार्यरत रहेको जनाएको छ। हाल १३८ जना प्रज्ञार्थी शिक्षकहरु विभिन्न ७ जिल्लाका ६५ सामुदायिक विद्यालयहरुमा कार्यरत रहेका छन्।
सानिमा बैंकले विगत ७ बर्षबाट निरन्तर रुपमा सामाजिक उत्तरदायित्व अन्तर्गत उपत्यका बाहिरका शाखाहरुबाट विपन्न वर्गका बिद्यार्थीहरुलाई शैक्षिक छात्रवृत्ति प्रदान गर्दै आएको जनाएको छ।
बैंकले देशभर ७९ वटाशाखा,१ एक्सटेन्सन काउन्टर र ७५ एटिएममार्फत सेवा प्रदान गर्दै आएको छ।
