च्याम्पियन्स लिगको पहिलो खेलमै डिफेन्डिङ च्याम्पियन पराजित

चेल्सी हार्यो, बार्सिलोना बराबरीमा रोकियो 

प्रकाशित मिति : २०७६ असोज १ बुधबार
तस्वीर – एजेन्सी

काठमाडौं । च्याम्पियन्स लिग फुटबलको पहिलो खेलमै डिफेन्डिङ च्याम्पियन लिभरपुल पराजित भएको छ । मंगलबार राति भएको खेलमा प्रिमियर लिग क्लब लिभरपुल इटालियन क्लब नापोलीसंग २–० गोल अन्तरले पराजित भएको हो ।

नापोलीको घरेलु मैदानमा भएको खेलमा लिभरपुललाई हराउन मार्टिनेज र लोरेन्टीले १–१ गोल गरे ।

लिभरपुलले सन् १९९४ पछि पहिलो पटक पहिलो खेल हारेको हो । 

Napoli were awarded the penalty when Jose Callejon fell under the challenge from Liverpool left back Andrew Robertson

यो समूह ई को खेल थियो । अर्को खेलमा अष्ट्रियन क्लब साल्जबर्गले घरेलु मैदानमा बेल्जियन क्लब गेन्कलाई ६–२ गोल अन्तरले हरायो । खेलमा हालान्डले ह्याट्रिक गरेका थिए । 

समूह एचको खेलमा इंगलिश क्लब चेल्सीले पनि पराजय भोग्यो । आफ्नै मैदानमा खेलेको चेल्सीले १–० गोल अन्तरको परिणाम स्पेनिश क्लब भ्यालेन्सियालाई सुम्पियो । 

The midfielder latched on to Daniel Parejo's smart chipped free-kick to volley into the top corner from close range

उक्त समूहको खेलमा डच क्लब आयाक्सले फ्रेन्च क्लब लिललाई ३–० गोल अन्तरले हरायो । 

समूह एफको खेलमा जर्मन क्लब बोरुसिया डर्टमण्डले स्पेनिश क्लब बार्सिलोनालाई बराबरीमा रोकेको छ । खेल गोलरहित बराबरीमा रोकिएको हो । 

नयाँ सिजनमा मैदानमा उत्रन नसकेका बार्सिलोना स्टार लियोनल मेस्सी यो खेलबाटै आफ्नो यात्रा अगाडि बढाए पनि उनले गोल गर्न सकेनन् । 

खेलको ५७ औं मिनेटमा मार्को रिउसले पाएको पेनाल्टीलाई गोलमा परिणत गर्न नसकेपछि डर्टमण्डले घरेलु मैदानमा जित निकाल्न सकेन । 

यो समूहको अर्को खेलमा इटालियन क्लब ईन्टर मिलानले चेक क्लब स्लाभिया प्रागसँग १–१ गोलको बराबरी खेलेको छ । 

त्यस्तै समूह जी को खेलमा फ्रेन्च क्लब लियोंले रसियन क्लब जेनिथसंग १–१ गोलको बराबरी खेल्यो । त्यस्तै उक्त समूहको अर्को खेलमा पोर्चुगिच क्लब बेनिफिका जर्मन क्लब लेप्जिगसंग २–१ गोल अन्तरले पराजित भएको छ ।   

च्याम्पियन्स लिग विजेताले कति कमाउँछन् ? यस्तो छ पैसाको खेल

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ