-
-
-
-
उर्लाबारी । उर्लाबारी नगरपालिकाका मेयर खड्ग फागोले मोरङको उर्लाबारीमा अवस्थित नमुना बाल गृहका आश्रित बालबालिकाहरूसङ बिगत बर्ष झैं यसपटक पनि विजयदशमी मनाएका छन् । बालगृहका बालबालिकाहरूलाई मेयर फागोले टीका,जमरा लगाउँदै दक्षिणा दिएका थिए ।
बालबालिकाहरूमा दसैंको उत्साह र उमंग जगाउने हेतुले आफूले अनाथ आश्राममा दसैं मनाएको मेयर फागोले बताए । मेयर फागोले बालबालिकालाई देशको नाम राख्नेगरी असल काम गर्न आशिर्वाद दिएका छन् ।
विभिन्न जिल्लाका बालबालिकाहरू गृहमा आश्रित रहेको र उर्लाबारीका मेयरको हातबाट बालबालिकाले टिका लगाउँदै आशिर्वाद लिन पाउँदा खुशी लागेको अध्यक्ष मिनादेवी बरालले बताइन् ।
०५९ सालमा स्थापना भएको गृहमा तीन जुम्ल्याहासहित ४६ जना बालबालिकाहरू छन् ।
