नेकपाको चिन्ताले रातारात सक्रिय भइन चिनियाँ राजदुत यान्छी

हाम्राकुरा संवाददाता,

प्रकाशित २०७७ असार २१ आइतबार

काठमाडौं। गत वैशाखमा विभाजनको मुखमा पुगेको नेकपालाई बचाउन सफल नेपालका लागि चिनियाँ राजदूत हौ यान्छी यो पटक अझ संकटमा परेको ठानिएको नेकपाको उद्धारमा जुटेकी छिन्।

अघिल्लो पटक नेकपाका अध्यक्षद्वय केपी शर्मा ओली प्रचण्ड र बरिष्ठ नेता माधव कुमार नेपालसँग भेट गरि फुटबाट जोगाइदिएको जस उनै यान्छीलाई गएको थियो। तर दुई महिना नबित्दै त्यो भन्दा ठूलो विग्रह नेकपामा देखिएपछि उनी फेरि सक्रिय भएकी हुन्।

तत्कालिन एमाले र माओवादीलाई मिलाएर नेकपा बनाउन मुख्य भूमिकामा चिनियाँ कम्युनिष्ट पार्टी नेतृत्वको चीन सरकार रहेको नेपालमा ओपन सेक्रेट हो। आफ्नो भूमिकामै बनेको नेकपा फुटको संघारमा नपुगोस भनेर चीन सरकार हरसम्भव प्रयास गरिरहेको छ। तर राजदुत स्वयं सक्रिय हुँदा नेपालमै यसको बारेमा नकारात्मक टिप्पणी भइरहेको थियो।

आम नागरिक तथा बुद्धिजिवी र मिडियामा पनि राजदुतको भूमिकालाई लिएर प्रश्न उठेपछि उनी यो पटक सक्रिय देखिएकी थिइनन। चिनियाँ दुतावासका दोस्रो तहका कर्मचारी र केहि चिनियाँ व्यपारीहरु नेकपाको विभाजन हुन नदिन लागिपरेका थिए। तर उनीहरुको प्रयास सफल हुन नसकेपछि राजदुत यान्छी आफै मैदानमा उत्रिएको पाइएको छ।

यसैबीच यान्छीले नेकपाका वरिष्ठ नेता माधवकुमार नेपालसँग आइतवार राती कोटेश्वरमा भेटेकी छिन।नेकपाको जारी आन्तरिक विवादमा केन्द्रीत भएर यान्छी र नेपालबीच वार्ता भएको नेपाल निकट एक नेताले बताए।

प्रधानमन्त्री तथा नेकपा अध्यक्ष केपी ओली र अर्का अध्यक्ष प्रचण्डबीच वार्ता चलिरहँदा अर्का वरिष्ठ नेता माधव नेपाल दुई नेताबीच बनेको कार्यदलसँग रुष्ट भएको समाचार सार्वजनिक भएकै बेला नेपालसँग भेटन् यान्छी पुगेकी छिन्।

यान्छीले कम्युनिस्ट पार्टीको वर्तमानप्रति चिन्तित र भविष्यप्रति आशावान कसैको पनि मन दुख्ने कार्य नगर्न नेपाललाई सचेत गराउँदै चिनियाँ सरकारको सन्देश समेत सुनाएको नेपाल निकट ति नेताले बताए। वैशाखमा झै यो पटक पनि उनले नेकपालाई एक बनाइ राख्न दवाव दिएकी छन्। जो नेतृत्वमा आएपनि नेकपालाई एक बनाइराख्ने आफ्नो सरकारको सन्देश उनले स्पष्ट रुपमा राखेकी थिइन।