काठमाडौं। रोनाल्डोले पेनाल्टीमा गोल गर्न नसक्दा पोर्चुगलले अष्ट्रिया बिरुद्ध तीन अंक हासिल गर्ने मौका गुमाएको छ। अष्ट्रियाका मार्टिन हिन्टरेगरले डि-एरिया भित्र रोनाल्डोलाई लडाएपछि पाएको पेनाल्टी पोष्ट बारमा लागेर फर्के पछि पोर्चुगलको अग्रता लिने संभावना सकिएको थियो।
अष्ट्रिया बिरुद्ध पोर्चुगलले गोल गर्न सकने धेरै राम्रा मौका गुमाएको थियो। नानी र रोनाल्डोले लगातार आक्रमण गरिरहे पनि गोल भने गर्न सकेका थिएनन्। २ खेलमा २ अंककासाथ तेस्रो स्थानमा रहेको पोर्चुगललाई दोस्रो चरणमा पुग्न हंगेरीसँग जित्नु पर्ने हुनेछ।
अष्ट्रियाको रक्षात्मक पंक्तिका खेलाडीहरुको तालमेल राम्रोसँग मिलिरहेको थिएन्। यस्तो स्थितीमा पनि पोर्चुगलले गोल गर्न नसक्नु टोली ब्यवस्थापनले खेलको रणनितीमा परिवर्तन गर्नु पर्ने स्पष्ट देखिन्छ।
अधिकांश समय बल नियन्त्रणमा लिएको पोर्चुगलले १८ पटक आक्रमण गरेकोमा ६ पटक पोष्टमा गरेको थियो भने अष्ट्रियाले कुल ३ आक्रमणमा गरेको थियो जस्मा १ आक्रमणमात्र पोष्टमा रहेको थियो।खेल पुरै नियन्त्रणमा लिए पनि गोल गर्न नसक्दा अंक बाँड्नु परेको हो।
समुह 'एफ'मा हंगेरी ४ अंकका साथ पहिलो स्थानमा रहेको छ भने आईसल्याण्ड र पोरचुगलको २ र अष्ट्रियाको १ अंक रहेको छ। सबै टोलीले २-२ खेल खेलिसकेका छन्।
