बेइजिङ। करिब ४० वर्षको अवधिमा नाटकीय रूपमा चीनले आफ्नो अर्थव्यवस्थालाई खुला गर्दै विश्वको आर्थिक उन्नती गर्ने प्रमुख मुलुकमा पर्यो। यही बीचमा चीनलाई डिजिटल पावर हाउसमा परिणत गर्ने राष्ट्रपति सी जिनपिङले आफ्नो मास्टर प्लानसमेत सार्वजनिक गरे।
तर पछिल्ला गतिविधिहरूले राष्ट्रपति सिले प्रविधितर्फको विकासमा महत्त्वाकाङ्क्षी योजनाहरू सार्वजनिक गर्दै प्रतिद्वन्द्वीहरूलाई पछि पार्ने रणनीतिमा धक्का लागेको छ। उक्त धक्का लाग्नुमा सिकै प्रशासन कारक बनेको छ। सिले चिनियाँ धनाढ्य ज्याक माको प्रविधि साम्राज्यमा धरपकड गर्न सुरु गरेदेखि नै चीनको प्रविधि विकासको महत्त्वाकाङ्क्षी योजनामा धक्का लागेको हो।
अलीबाबा समूह होल्डिंग लिमिटेडका सह-संस्थापकलाई नियन्त्रणमा लिनुका साथै उनको कम्पनी माथिको आक्रमणका कारण अन्य चिनियाँ उद्यमीहरू सशङ्कित बन्दै झस्किएका छन्। स्थानीय उद्यमी तथा उद्यम पुँजीपतिहरूले सिले देशलाई आत्मनिर्भर बनाउन अरबौँ डलर लगानी गर्ने योजना बनाए पनि प्रविधि क्षेत्रका हस्तीहरू माथिको आक्रमणले त्यसलाई सफल हुन सहज नहुने बताएका छन्।
ज्याक माको गृह प्रान्त झेजियाङमा रहेका एक स्टार्टअप संस्थापकले अब आफूलाई अलिबाबा आकारको सफल उद्यमको चाहना नभएको बताएका छन्। उनले अन्तर्राष्ट्रिय मिडिया ब्लोमबर्गसँग भने, 'त्यस्तो सफलता भएमा सरकारले अनावश्यक त्रास देखाउने र जोखिम पैदा गर्ने रहेछ। जुन उदाहरण ज्याक मा आफैँ हुन्। उनले सार्वजनिक कुरा गर्न छोडेका छन् र विदेशमा आफ्नो रोबोटिक व्यवसाय विस्तारमा ध्यान केन्द्रित गर्ने योजना बनाएका छन्।'
चीन सरकारले अलीबाबा माथि गरेको व्यवहारले स्टार्टअप उद्यमीहरूलाई कम आक्रामक बनाउने र उनीहरूलाई राज्यको स्वामित्वमा रहेका कम्पनीहरू विरुद्ध प्रतिस्पर्धा गर्न निरुत्साहित गर्ने उद्यमीहरू बताउँछन्। स्थानीय केही उद्यमीहरूले नाम नखुलाउने सर्तमा चीनमा खुला रूपमा उद्यम गर्ने र उद्यमलाई विस्तार गर्ने स्वतन्त्रतामा सरकारी हस्तक्षेप भएको बताएका छन्। उनीहरूले विदेशमा गएर लगानी गर्न सहज हुने तर्क समेत गरेका छन्।
अनुसन्धान समूह सिलिकन ड्रैगन भेन्चर्सका संस्थापक रेबेका फ्यानिन भन्छिन्, "ज्याक मा घटना चीनको टेक्नोलोजी क्षेत्रको लागि महत्त्वपूर्ण मोड हुनसक्छ।"
त्यहाँ अलिबाबा, एन्ड ग्रुप कम्पनी (मा द्वारा स्थापना गरिएको) र चिनियाँ सरकारका अन्य चिनियाँ प्राविधिक कम्पनीहरूले एउटा एकाधिकारवादी रणनीतिलाई हटाउन र सुरुवातमा नवप्रवर्तनलाई सम्बोधन गर्न आवश्यक भएको उनको तर्क छ। अन्यथा चिनियाँ राष्ट्रपति सिको योजना सफल हुने नदेखिएको फ्यानिनले बताएकी छन्।
