-
-
-
-
काठमाडौं । आयोजक ब्रजिल कोपा अमेरिका फुटबलको समूह चरणको अन्तिम खेलमा बराबरीमै चित्त बुझाउन पुगेको छ । सोमबार बिहान भएको खेलमा ब्रजिलले इक्वेडरसँग १–१ गोलको बराबरी खेलेको हो ।
यसअघि शतप्रतिशत नतिजा निकालेको ब्रजिलले पेड्रो ओलम्पिक स्टेडियममा शुरूआती अग्रता जोगाउन नसक्दा बराबरीमा रोकिएको हो ।
खेलको ३७ औं मिनेटमा इडर मिलिटाओले गोल गर्दै ब्रजिललाई अग्रता दिलाए । ५३ औं मिनेटमा एन्जल मिनाले गोल गर्दै इक्वेडरलाई १–१ गोलको बराबरीमा ल्याए ।
यस बराबरीसँगै समूह बी को ब्रजिल समूह विजेता बन्दै क्वार्टरफाइनलमा पुगेको छ ।
समूह चरणमा अपराजित ब्रजिलले ४ खेलमा १० अंक जोड्यो ।
सोमबार बिहानै भएको अर्को खेलमा भेनेजुएलालाई १–० गोल अन्तरले पराजित गर्दै पेरु समूह उपविजेता बन्दै क्वार्टरफाइनलमा पुग्यो । पेरुको जितमा आन्द्रे कारिल्लोले ४८ औं मिनेटमा निर्णायक गोल गरे ।
पेरुले ४ खेलमा ७ अंक जोड्यो ।
पाँच टोली रहेको समूह बी बाट ४ अंकसहित कोलम्बिया तेस्रो हुँदै तथा ३ अंकसहित चौथो हुँदै इक्वेडर क्वार्टरफाइनलमा पुगेको छ ।
२ अंकको पुछारको भेनेजुएला भने बाहिरिएको छ ।
