काठमाडौं। काठमाडौंको रत्नपार्क स्थित आकासे पुलमा अग्रपङ्तीमा खटिएकाहरुको सम्मानमा बनाइएको चित्र काठमाडौं महानगरपालिकाले मेटाएपछि चौतर्फी आलोचना भइरहेको छ ।
यसबैचीन नेपाल विद्यार्थी संघ (नेवि संघ)ले पनि सोही पुलको भित्तामा महानगरको विरोध गर्दै नारा लेखेको छ ।
नेवि संघका विद्यार्थीहरुले "काठमांण्डौं महानगरपालिका मुर्दावाद, विद्या सुन्दर शाक्य मुर्दावाद" भन्दै विराेध नारा लेखेका हुन्।
रत्नपार्ककाे पुलमा बनाइएकाे चित्र
कोरोना महामारीमा अग्रमोपङ्तीमा खटिएका स्वास्थ्यकर्मी, सुरक्षाकर्मी, सरसफाइकर्मी, पाइलट, एम्बुलेन्स चालक र पत्रकारको चित्र पुलको भित्तामा बनाइएको थियो ।
चित्रमा 'वि विल राइज अगेन' अर्थात 'हामी फेरि उदाउने छौं' भन्ने वाक्यांश समेत लेखिएको थियो ।
यो चित्रले सबैलाई भावनात्मकरुपमा साहस दिनेमात्रै नभइ अग्रपङ्तीमा खटिएकाहरुलाई सम्मान एवं प्रोत्साहन गरेको थियो।
कलाकार र स्वयंसेवक मिलेर करिब ६ दिन लगाएर गत जेठ ३० मा यो चित्र बनाएका थिए । काठमाडौं महानगरपालिकाको वडा नम्बर २८ को स्वीकृति लिएरै बनाएको यो चित्र महानगरले एकाएक मेटाएको हो ।
अहिले यो चित्र मेटाएपछि महागरको चर्काे विरोध भइरहेको छ । यसैक्रममा नेवि संघले पनि पुलमा विरोध नारा लेखेको हो ।
