नेपाल र पीएनजीबीचको क्रिकेटको प्रत्यक्ष प्रसारण डिस मिडियामा

हाम्रा कुरा

प्रकाशित २०७८ भदौ १६ बुधबार

काठमाडौँ। नेपाल र पपुवा न्यूगिनीबीचको एक दिवसीय क्रिकेट सिरिजको प्रत्यक्ष प्रसारण डिस होमले गर्ने भएको छ। नेपाल क्रिकेट सङ्घ (क्यान) र डिस मिडिया नेटवर्क लिमिटेडबीच नेपाल र पीएनजीबीच हुने एक दिवसीय अन्तर्राष्ट्रिय सिरिजको प्रत्यक्ष प्रसारण गर्ने सहमतिमा हस्ताक्षर भएको हो।

डिस मिडिया नेटवर्कका तर्फबाट प्रबन्ध निर्देशक सुदिप आचार्य र क्यानका कोषाध्यक्ष रोशन कुमार सिंहबीच सम्झौतामा हस्ताक्षर भएको हो। उक्त सिरिजका दुई खेल यही भदौ २२ र २५ गते हुने छन्।

सिरिजको एक खेल डे म्याच तथा दोस्रो खेल नाइट म्याच हुनेछ। नेपालले पहिलो पटक नाइट ओडीआई म्याच खेल्ने छ।