-
-
-
-
काठमाडौं । शहीद स्मारक ए डिभिजन क्लब च्यासल युथ क्लबका दुई खेलाडीमा कोरोना संक्रमण देखिएको छ । गत साता पोखरामा मनाङ मर्स्याङ्दी क्लबसँग खेलेर काठमाडौं फर्किएका दुई खेलाडीमा कोरोना देखिएको टोलीका सहायक प्रशिक्षक आशिख थापा मगरले जानकारी गराए ।
उनका अनुसार गोलरक्षक प्रदीप भण्डारी र डिफेन्डर कमल श्रेष्ठलाई कोरोना देखिएको हो । गत हप्ता पोखरा रंगशालामा च्यासल ५–० ले पराजित भएको थियो । त्यसपछि काठमाडौं आएसंगै खेलाडीको टेस्ट लिँदा कोरोना देखिएको मगरले जानकारी गराए ।
दुवै जना टोलीका नियमित खेलाडीसमेत हुन् । अब नवौं चरणमा च्यासलले पुलिससँग खेल्दै छ । यता, जावलाखेल युथ क्लबले समेत खेलाडी बिरामी हुँदा बिहीवारको बिहानी सत्रमा १४ खेलाडीलाई प्रशिक्षणमा सामेल गराएको थियो ।
मुख्य प्रशिक्षक किशोर केसीले खेलाडीमा रुघाखोकी देखिएकाले गोलकिपरसहित १४ खेलाडीले मात्रै अभ्यास गरेको र केही खेलाडी निको हुने अवस्थामा रहेको बताए ।
