-
-
-
-
काठमाडौं । इजिप्सियन फरवार्ड मोहम्मद सलाहले इङ्गलिश प्रिमियर लिग क्लब लिभरपुलसँगको सम्झौता नवीकरण गरेका छन् । क्लबले शुक्रबार सलाहले सम्झौता नवीकरण गरेको जनाएको छ ।
सलाहले थप तीन वर्ष एनफिल्डमै रहने गरी सम्झौता नवीकरण गरेका हुन् । ३० वर्षीय सलाह २०१७ मा इटालियन क्लब रोमाबाट लिभरपुल आएका थिए ।
लिभरपुलका लागि २ सय ५४ खेल १ सय ५६ गोल गरेका सलाहले क्लबलाई च्याम्पियन्स लिग, प्रिमियर लिग, एफए कप, लिग कप, फिफा क्लब विश्वकप र यूईएफए सुपर कप दिलाएका छन् ।
