ईपीएल शुरु, आर्सनलको विजयी शुरुआत, आज आधादर्जन खेल
हाम्रा कुरा
प्रकाशित २०७९ साउन २१ शनिबार
645
Shares
काठमाडौं । इङ्गलिश प्रिमियर लिग फुटबलको नयाँ सिजन शुरु भएको छ । शनिबार बिहान सम्पन्न खेलमा आर्सनल विजयी भयो ।
क्रिस्टल प्यालेसलाई २–० ले पराजित गर्दै आर्सनलले विजयी शुरुआत गरेको हो । भ्रमणकारी टोली आर्सनलको जितमा ग्याब्रिएल मार्टिनेलीले एक गोल गरे । यस्तै घरेलु टोलीका मार्क गुएहीले आत्मघाती गोल गरे ।
जितसँगै आर्सनलले पहिलो खेलमा तीन अंक जोडेको छ । यस पटक युरोपका चर्चित खेलाडी अनुबन्ध गर्दै आर्सनलले उपाधि दाबेदारी प्रस्तुत गरेको छ ।
आज आधा दर्जन खेल
आज आधा दर्जन खेल हुँदैछन् । पहिलो खेलमा साँझ ५ः१५ बजे फुल्हमले घरेलु मैदानमा लिभरपुलसँग खेल्नेछ ।
बेलुकी पौने ८ बजे चार खेल शुरु हुनेछन् । एएफसी बर्नमाउथले घरेलु मैदानमा एस्टनभिल्लासँग खेल्नेछ । लिड्स युनाइटेडले घरेलु मैदानमा वुल्भरह्याम्पटन वान्डेरर्ससँग खेल्नेछ ।
राति १०ः१५ बजे एभर्टनले घरेलु मैदानमा चेल्सीसँग खेल्नेछ ।
आइतबारको खेल
आइतबार तीन खेल हुनेछन् । बेलुकी ६ः४५ बजे लेस्टर सिटीले ब्रेन्टफोर्डसँग तथा म्यानचेष्टर युनाइटेडले घरेलु मैदानमा ब्राइटन एनड अव आल्यिनसँग खेल्नेछ ।
