-
-
-
-
पोखरा । पोखरामा श्रीमानद्वारा श्रीमतीको हत्या भएको छ । पोखरा महानगरपालिका वडा नं. १४ छिनेडाँडा राधाकृष्ण मार्गमा आज बिहान ११ बजे उक्त घटना भएको हो ।
घरायसी विवादका कारण ४६ वर्षीय लोकबहादुर गुरुङले आफ्नै श्रीमती ४४ वर्षीया विमला गुरुङको हत्या गरेको कास्की प्रहरीले जनाएको छ ।
प्रहरीका अनुसार लोकबहादुरले बिमलाको टाउकोमा खुकुरी प्रहार गरी हत्या गरेका हुन् ।
श्रीमतीको हत्या गरेपछि आत्महत्याको प्रयाससमेत गरेका लोकबहादुरको अवस्था गम्भीर रहेको कास्की प्रहरीका निमित्त प्रवक्ता ज्ञानबहादुर खड्काले जानकारी दिए ।
उनको हाल पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा उपचार भइरहेको छ ।
