-
-
-
-
काठमाडौं । नटिङघम फरेस्टमाथि ५–० को सहज जितसँगै आर्सनल इङ्गलिश प्रिमियर लिग फुटबलको शीर्ष स्थानमा फर्किएको छ । आइतबार राति आर्सनलको जितमा रेइस नेल्सनले दुई गोल गरे ।
यस बाहेक गाब्रियल मार्टिनेली, थोमस पार्टी र मार्टिन ओडेगार्डले एक एक गोल थपे । पहिलो हाफमा दुई गोल गरेको आर्सनलले दोस्रो हाफमा थप तीन गोल गरेको थियो । खेलसँगै आर्सनलले म्यानचेस्टर सिटीलाई उछिनेको छ । अघिल्लो रात लेस्टर सिटीलाई हराउँदै म्यानचेस्टर शीर्षस्थानमा उक्लिएको थियो ।
आर्सनल १२ खेलबाट ३१ अंक जोड्दै शीर्षस्थानमा छ । २९ अंकको म्यानचेस्टर सिटी दोस्रो स्थानमा छ । टोटनह्याम हट्सपर २६ अंकसहित तेस्रो स्थानमा रहेको छ ।
