स्पर्शले अग्रता बचाउन नसक्दा म्यानचेस्टर सिटी विजयी
हाम्रा कुरा
प्रकाशित २०७९ माघ ६ शुक्रबार
864
Shares
काठमाडौं। ईङलिश प्रिमियर लिग फुटबल अन्तर्गत म्यानचेसटर सिटी र टोटेनह्याम हटस्पर्सको खेलमा ४-२गोलले विजयी हुँदै आफ्नो उपाधिको दौडमा दोस्रो स्थान कायमै राखेको छ।
खेलको पहिलो हाफमा २ गोलको अग्रता लिएको भए पनि स्पर्शले उक्त अग्रता बचाउन नसक्दा दोस्रो हाफमा सिटीले ४ गोल गर्दै खेल आफ्नो पक्षमा पारेको थियो। खेलको ४४औं मिनेटमा डेयान कुलुसेव्सकी गोल गर्दै स्पर्शलाई अग्रता दिलाएका थिए। त्यसैगरि ४५औं मिनेटमा एमर्सनले गोल गर्दै आफ्नो टोलीलाई २-०को अग्रता दिलाएका थिए।
घरेलु मैदानमा खेलिरहेको सिटी यतिकै चुप लागेर बस्ने मुडमा थिएन। खेलको ५१औं मिनेटमा जुलियन अल्वारेजको गोलमा स्पर्शको अग्रता घटाएको थियो। त्यसैसरि ५३औं मिनेटमा एर्लिङ हल्याण्डको गोलले खेल बराबरीमा पुर्याएको सिटी खेलको ६३औं र ९०औं मिनेटमा रियाद महरेजको गोलले सहज ४-२ले विजयी भयो।
यो जितसँगै सिटी १९ खेलमा ४२ अङ्कसहित तालिकाको दोस्रो स्थानमा रहेको छ । सिटीको म्यानचेस्टर युनाईटेड भन्दा तीन अङ्क बढी रहेको छ भने पहिलो स्थानमा रहेको आर्सनल भन्दा ५ अंकले पछि रहेको छ। आर्सनल १८ खेलमा ४७ अङ्क सहित पहिलो स्थानमा रहेको छ।
