-
-
-
-
काठमाडौं । इङ्गलिश प्रिमियर क्लब म्यानचेस्टर युनाइटेड एफए कप फुटबलको पाँचौं चरणमा प्रवेश गरेको छ । शनिबार राति भएको खेलमा रिडिङलाई ३–१ गोल अन्तरले हराउँदै म्यानयु पाँचौं चरणमा पुगेको हो ।
म्यानयुलाई जिताउन कासिमिरो एक्लैले दुई गोल गरे । खेलको ५४ औं मिनेटमा कासिमिरोले गोल गर्दै म्यानयुलाई शुरुआती अग्रता दिलाएका थिए ।
५८ औं मिनेटमा कासिमिरोले व्यक्तिगत दोस्रो गोल गर्दा म्यानयुको अग्रता दोब्बर बनाए । खेलको ६५ औं मिनेटमा एन्डी कारोलले रातो कार्ड पाएपछि रिडिङ १० खेलाडीमा समेटियो ।
६६ औं मिनेटमा फ्रेडले गोल गरेसँगै म्यानयु ३–० ले अगाडि रह्यो । ७२ औं मिनेटमा रिडिङका अमाडोउ सालिफले सान्त्वना गोल गरेका थिए ।
आज राति तीन खेल हुनेछन् । जहाँ लिभरपुलले ब्राइटनसँग खेल्नेछ ।
