काठमाडौं । इङ्गलिश प्रिमियर लिग फुटबलमा गएरातिको खेलमा म्यानचेस्टर युनाइटेड र टोटनह्याम हट्सपर विजयी भएका छन् । म्यानयुले लेस्टर सिटीलाई घरेलु मैदानमा ३–० ले हरायो ।
म्यानयुलाई जिताउन मार्कस रास्फोर्डले २ तथा जाडोन सान्चोले १ गोल गरे । त्यस्तै टोटनह्यामले घरेलु मैदानमा वेष्टह्याम युनाइटेडलाई हरायो । टोटनह्यामका लागि इमर्सन रोयल र सन ह्युङ–मिनले एक एक गोल गरे ।
अंक समीकरण
यो खेलपछि एक खेल बाहेक २३ औं चरणका खेल सकिएका छन् । आर्सनल २३ खेलबाट ५४ अंकसहित शीर्ष स्थानमा कायमै छ । म्यानचेस्टर सिटी २४ खेलबाट ५२ अंकसहित दोस्रो स्थानमा छ ।
२४ खेलबाट ४९ अंकसहित म्यानयु तेस्रो स्थानमा छ । २४ खेलबाट ४२ अंकको टोटनह्याम चौथो स्थानमा छ । २३ खेलबाट ४१ अंकको न्यूकासल युनाइटेड पाँचौं तथा २४ खेलबाट ३८ अंकको फुल्हम छैटौं स्थानमा छ ।
२२ खेलबाट समान ३५ अंकका ब्राइटन र लिभरपुल क्रमशः सातौं र आठौं स्थानमा रहेका छन् । त्यस्तै २३ खेलबाट ३५ अंककै ब्रेन्टफोर्डको पनि ३५ अंक नै छ ।
