-
-
-
-
काठमाडौं । इङ्गलिश प्रिमियर लिग क्लब म्यानचेस्टर सिटी एफए कप फुटबलको क्वार्टरफाइनलमा पुगेको छ । प्रिक्वार्टरफाइनलमा च्याम्पियनशिप क्लब ब्रिस्टल सिटीलाई ३–० ले पराजित गर्दै सिटी अन्तिम आठमा पुगेको हो ।
एस्टन गेट ब्रिस्टलमा मंगलबार राति भएको खेलमा फिल फोडेनले गोल गर्दै सिटीलाई १–० को अग्रता दिलाए ।
७४औं मिनेटमा फोडेनले जुलियन अल्भारेजको पासमा दोस्रो गोल गर्दै सिटीको अग्रता दोब्बर पारे भने त्यसपछि ८१औं मिनेटमा केभिन डि ब्रुएनाले गोल गर्दै सिटीलाई ३–० को सहज जित दिलाए ।
अन्य खेलमा फुल्हम, ब्ल्याकबर्न रोभर्स र ब्राइटन एन्ड हभ आल्बियन पनि क्वार्टरफाइनलमा पुगेका छन् । ब्राइटनले स्टोक सिटीलाई १–० ले हरायो ।
ब्ल्याकबर्नले लेस्टर सिटीलाई २–१ ले पराजित गर्यो भने फुल्हमले लिड्स युनाइटेडलाई २–० ले पराजित गरेको छ ।
