-
-
-
-
काठमाडौं । नवप्रवेशी क्लब चर्च ब्वाइज युनाइटेडले शहीद स्मारक ए डिभिजन लिग फुटबलमा विजयी शुरुआत गरेको छ । च्यासल मैदानमा शनिबार भएको डेब्यु खेलमा चर्चले नेपाल पुलिस क्लबलाई २–१ ले हराएको हो ।
चर्चको जितमा आशिष चौधरी र फ्रान्कलिन क्विटे टलाले एक एक गोल गरे । पुलिसका रवि पासवानले एक गोल गरे ।
शुरुआती अग्रता लिएर पनि पुलिस पराजित भएको हो ।
चर्च बी डिभिजन लिगको विजेता बन्दै शीर्ष डिभिजनमा उक्लिएको हो ।
