-
-
-
-
गौरादह । झापाको गौरादहका विभिन्न विद्यालयहरुमा अध्ययनरत विद्यार्थीहरुलाई नेपाल विद्यार्थी संघले न्यानो कपडा स्वेटर वितरण गरेको छ ।
कमजोर आर्थिक अवस्था तथा विपन्न वर्गलाई लक्षित राख्दै बढ्दो चिसोको समयमा विद्यार्थीलाई नेविसंघ नगर समितिले स्वेटर वितरण गरेको नेविसंघ नगर सभापति कबिन्द्र चुडालले जानकारी दिए ।
बिहीबार गौरादह नगरपालिका वडा नं ८ मा अवस्थित अरुणोदय आधारभूत विद्यालयमा अध्ययनरत ३० जना विद्यार्थीलाई वितरण गरिएको उनले बताए ।
संघले केही दिनअघि गौरादहकै वडा नं ५ मा अवस्थित जनज्योति प्राविमा अध्ययनरत २५ जना विद्यार्थीलाई र गौरादह ४ मा अवस्थित भिमसेन आधारभूत विद्यालयमा अध्ययनरत २५ विद्यार्थीलाई न्यानो कपडा वितरण गरिसकेको चुडालले जनाए ।
नेविसंघले चाँडै गौरादहका अन्य केही विद्यालयहरुमा स्कुल झोला वितरण गर्ने कार्यक्रम राखेको जनाएको छ ।
