कञ्चनपुर। शिक्षा क्षेत्रमा व्यापक भ्रष्टारचार बढ्दै गएको एक अवधारण पत्रमा उल्लेख गरिएको छ । अखिल नेपाल शिक्षक संगठन कञ्चनपुरले महेन्द्रनगरमा आयोजना गरेको ‘वर्तमान शिक्षाको अवस्था र आगामी शिक्षा नीति अन्तरक्रिया कार्यक्रममा प्रस्तुत भएको उक्त अवधारणा पत्रमा शिक्षामा भ्रष्टाचार बढ्दै गएको उल्लेख गरिएको छ ।
अखिल नेपाल शिक्षक संगठनका केन्द्रीय अध्यक्ष लाल बहादुर बिसीले प्रस्तुत गरेको संघीय नेपालको शिक्षा अवधारणा पत्रमा शिक्षामा निजिकरण, वैदेशिक हस्तक्षेप र राज्य शिक्षा प्रणाली बिमुख भएको उल्लेख गरिएको छ ।
शिक्षा ऐन, नियमावली परिर्वतन अनिवार्य रहेको औल्याउदै शिक्षा पद्धति परिर्वतन नगर्दा समाज नबने दाबी गरिएको छ । राणाकालिन सोचमै अभिएर शिक्षा दिने दार्शनिक समस्या रहेको समेत कार्यपत्रमा उल्लेख गरिएको छ । ‘रुढिवादी दृष्ट्रिकोण कायमै, किताबी ज्ञानमा सिमित हो ।, ‘कार्यपत्रमा भनिएको छ, ‘अझै पनि गरिब, विपन्न, किसान, मजदुरका सन्तान शिक्षाबाट बञ्चित हुनुपर्ने अवस्था कायमै छ ।’
विदेशीहरुले आफ्नो स्वार्थशिद्ध गर्नका लागि शिक्षामा लगानी गरिरहेको बताउदै अझैपनि सरकारी स्वकृति बिनै विदेशी विद्यालय संचालनमा रहेको दावि गरिएको छ । कक्षा १ मा भर्ना हुँदा १० सम्म पुग्दा विद्यार्थीहरु हराउदै जानु दुखत भएको टिप्पणी समेत गरिएको छ । घोकन्ते, परिक्षामुखी, परम्परागत द्वैत शिक्षा नीति हुँदा समेत शिक्षाका व्यवहारिक नआएको आरोप लगाईएको छ ।
शिक्षालाई उत्पादन, परिमाणमुखी, सिपमुलक, औद्योगिकरण, हुनुपर्ने सुझाव दिईएको छ । भने शिक्षक, विद्यार्थी र अभिभावक विच निरन्तर अन्तरक्रियामा जोड दिईएको छ । कार्यक्रममा बोल्ने अधिकाँस वक्ताहरुले शिक्षामा आमुल परिर्वतन आवश्यक रहेको औल्याईएको छ । सरकारी निकायमा उच्च पदस्थ कर्मचारी, राजनीतिक दलकै व्यक्तिहरुले निजी विद्यालयमा मलजल गरेको समेत बताएका छन् ।
नेपाल शिक्षक संगठन कञ्चनपुरका बरिष्ठ उपाध्यक्ष विष्णू दत्त भट्टले स्वागत मन्तव्य राख्दै शिक्षामा भएको निजीकरण र व्यवसायिकरणले समस्या उत्पन्न गरेको बताए । बैजनाथ नमुना उमाविका प्रअ नरेन्द्र राज जोशीले एकै किसिमको शिक्षा नीति हुनुपर्नेमा जोडदिए । ‘हामीले नै स्वयम निजी विद्यालयमा आफ्ना छोराछोरी पढाईरहेका छौँ, ‘उनले भने, ‘परिर्वतनका लागि आफैबाट सुधार गर्नुपर्छ ।’
नीति निमार्ण, कार्यान्वयन तहमा रहेका जिम्मेबार निकायबाटै नीति तथा कार्यक्रममा समस्या रहेको छ । मातृभाषामा समेत पठन पाठन हुनुपर्नेमा जोड दिईएको छ । साथै शिक्षाको लगानी स्वदेशी हुनुपर्ने तथा ऐन, नियम कार्यान्वयन गरी अनुगमनमा जोडदिनु पर्ने सहभागीहरुले सुझाव दिएका छन् ।
