२० वर्षपछि पुनः फ्रान्समा विश्वकप उपाधि ल्याउन आफ्नो टोलीलाई हौसाउँदै जिदान
प्रकाशित २०७५ जेठ ३० बुधबार
1.2k
Shares
काठमाडौं । २० वर्षअघि आफ्नो राष्ट्रिय टोलीको लागि जित दिलाएको फ्रान्सको टोली पुनः एकपटक एकै स्थानमा भेला भएका छन् । फ्रान्सले अहिलेसम्म जितेको एउटै विश्वकपको उपाधि विजेता टोलीका जिनेदिन जिदानका साथै अन्य खेलाडीहरु पनि मंगलबार साँझ फ्रान्सको राजधानी सहरमा भेला भएका हुन् ।
विश्वकपको पूर्वसन्ध्यामा उनीहरुले एक खेल खेलेका थिए । मंगलबारको खेलमा जिदानले पनि एक गोल गरेका थिए । आफ्नो टोलीको हौसला बढाउनका लागि उपाधि जित्दाको समयमा यो प्रतियोगिता खेलेका सबैजसो खेलाडीहरु सहभागी भएका थिए । यो खेलमा थिएरी हेनरीको पनि सहभागिता थियो ।
मंगलबारको खेलमा जमैकाका धावक उसेन बोल्टको पनि सहभागिता रहेको थियो ।
बिहिबारबाट रुस विश्वकप सुरु हुँदैछ । युवा टोलीले भरिएको फ्रान्स विश्वकपको समुह सी मा रहेको छ । यो समुहमा अष्ट्रेलिया, पेरु र डेनमार्क रहेका छन् ।
