काठमाडौं । गुठी संस्थानका प्रमुख प्रशासक नारायणप्रसाद चौधरी र उपप्रशासक जयप्रसाद रेग्मीलाई घुस लिएको सूचनाका आधारमा अख्तियार दुरुपयोग अनुसन्धान आयोगले मंगलबार पक्राउ गरेको छ ।

उनीहरुलाई अख्तियार दुरुपयोग अनुसन्धान आयोगको टोलीले त्रिपुरेश्वरस्थित कार्यालयबाटै पक्राउ गरेको हो । काठमाडौं महानगरपालिका–१ नक्सालको नन्दीकेशर गुठीको जग्गासम्बन्धी संस्थानमा चलिरहेको मुद्दामा गुठीको जग्गा गुठीमै कायम गर्न घुस लिएको सूचनाका आधारमा अनुसन्धान गर्न उनीहरुलाई पक्राउ गरिएको अख्तियारले जनाएको छ ।

काठमाडौं महानगर–१, नक्सालस्थित संस्थान मातहतको नन्दीकेशर गुठीको रैतानी जग्गामा जनआन्दोलन स्मारक पार्क निर्माण गर्न नेपाल सरकारले २०६६ पुस ६ मा निर्णय गरेको थियो । सोअनुसार गुठी अन्तर्गतको कि.न.४७९ को १९ रोपनी ३ आना २ पैसा ३ दाम जग्गाको नामसारी गरिदिन भनी २०६६ पुस २१ मा पत्रमार्फत संस्थानमा अनुरोध गरेको छ । सोही जग्गा पुनः गुठीमै कायम गराइदिन्छु भनी प्रशासक चौधरी र रेग्मीले घुस लिएका थिए । तर गुठी कायम गराउन नसकेपछि उक्त घुस फिर्ता गर्न खोज्दा उनीहरु पक्राउ परेका छन्।

• बालुवाटारको जग्गा खरिद गर्ने पौडेल, घिमिरे, गोयल, गुरुङ बिरुद्ध अख्तियारले कहिले दायर गर्ला मुद्दा ?
• दोलखाका तत्कालीन सीडीयो रिजाललाई हटाउन अख्तियारको गृहलाई पत्र
• अख्तियारका पूर्वप्रमुख बस्न्यातको सबै सम्पत्ति रोक्का
• अख्तियारले किन माधव नेपाललाई बयान लिन बोलाउँदैन ?
• ललिता निवास जग्गा प्रकरणः बिष्णु पौडेलका छोरालाई अख्तियारले बयानमा किन बोलाउँदैन ?

प्रशासक नारायण चौधरी नापी विभागका पूर्व उपमहानिर्देशक हुन् । उनी काठमाडौंको तत्कालीन ६ नम्बर नापी गोश्वारादेखि डिल्लीबजार नापी कार्यालय जस्ता धेरै आकर्षक कार्यालयमा बसी अकूत सम्पत्ति आर्जन गर्ने पूर्व सहसचिव हुन् । ६ नम्बर नापी गोश्वाराको प्रमुख हुँदा काठमाडौका धापासीदेखि भक्तपुरसम्मका पचासौं रोपनी सरकारी जग्गा गैरकानुनी रुपमा ब्यक्तिको नाममा नापी गरेको आरोप उनीमाथि छ । उनको अकूत सम्पत्तिमा पनि छानबिन हुनुपर्ने नापी विभागका कर्मचारी बताउँछन् ।  उनी २०७० मा घुस बुझाएर गुठीको प्रशासक नियुक्त भएका थिए । २०७३ मा कार्यकाल सकिएपछि उनी पुनः नियुक्त भए । तर केपी ओली सरकारले उनलाई अरु सबैलाई हटाउँदा हटायो । तर सर्वोच्च अदालतमा रिट हाली विगत डेढ बर्षदेखि अन्तरिम आदेश लिएर काम गरिरहेका थिए ।

• अख्तियारद्धारा भ्रष्टाचारसम्बन्धी एक हजार ५०० घटनामा विस्तृत अनुसन्धान  
• वाइडबडी, बालुवाटारलगायतका विषयमा अख्तियारले छानबिन गर्नुपर्छ : देउवा
• प्रचण्डलाई साइजमा ल्याउन अख्तियार लगाउँदै केपी ओली
• अख्तियार सचिवले अधिकृतहरुलाई भने–ठूला माछा विशेष अदालतको झ्यालबाट भाग्दै छन्
• यस्तो सेटिङ गरेछन् पूर्व आईजीपी अर्याल र अख्तियार प्रमुख बस्न्यातले
• ट्रान्सर्फमर खरिद घोटाला : पूर्वमुख्य सचिव र वहालवाला सचिवलाई अख्तियारले तान्यो

जयप्रसाद रेग्मी जनकपुर गुठीदेखि काठमाडौं गुठीको प्रमुख भएर भ्रष्टाचार गरी अकूत सम्पत्ति आर्जन गरेका अर्का उपप्रशासक हुन् । रेग्मीले गुठीका सयौं रोपनी जग्गा हिनामिना गरेका छन् । उनी काठमाडौंको लामो समय प्रमुख भएका हुन् ।

जनकपुर गुठीमा हुँदा जानकी मन्दिरको घर नै नभएका जग्गामा पनि २०४५ अघि नै घर बनाइएको भन्दै करोडौं रुपैयाँ महन्तसँग मिलेर घुस खाएको आरोप रेग्मीमाथि लागेको छ । रेग्मी र गतबर्ष अवकाश पाएका उपप्रशासक दीपकबहादुर पाण्डेलाई गुठीको जग्गा हिनामिना गरेकोमा जनकपुरमा जनसमुदायले कालोमोसो नै दलेका थिए । जानकी गुठी, राम मन्दिरको गुठी र बेला गुठीको हजारौं रोपनी जग्गा महन्तसँग मिलेर ब्यक्तिका नाममा दर्ता गर्ने काम संस्थानका रेग्मी र पाण्डेले गरेका थिए । रेग्मीले गुठीको देवस्व खाएबापत अख्तियारको हिरासतमा जानुपरेको छ भने पाण्डेमाथि संस्थानले पोखराको जग्गाको समेत छानबिन गरिरहेको छ ।

• गुठी विद्येयक फेरी ल्याउने सरकारको तयारी
• गुठीका नाममा सरकारी जग्गा हिनामिना
• गुठीलाई औषधीमूलो, दुईतिहाइको सरकारलाई धुलैधुलो !
• जब गुठी विधेयकलाई 'होली वाईन'सँग जोडियो, सभामुखले भने ''समय छोट्याउनूस्''
• गुठीको सम्पत्ति कब्जा गर्न खोज्ने सरकारलाई गगन थापाको चुनौती – स्वर्गद्धारीलाई चलाए सरकार सकिन्छ