-
-
-
-
काठमाडौं । इटालियन सिरि ए डिफेन्डिङ च्याम्पियन युभेन्ट्स कोपा इटालिया फुटबलको फाइनलमा प्रवेश गरेको छ । मंगलबार राति भएको सेमिफाइनलको दोस्रो लेगमा इन्टर मिलानसँग गोलरहित बराबरी खेलेपछि समग्रमा २–१ गोल अन्तरले पराजित गर्दै युभेन्ट्स फाइनलमा पुगेको हो ।
युभेन्ट्स पहिलो लेगमा २–१ गोल अन्तरले विजयी भएको थियो । पहिलो लेग युभेन्ट्सको मैदानमा भएको थियो भने दोस्रो लेग इन्टरको मैदानमा भएको थियो ।
गत सिजन युभेन्ट्स नापोलीसँग फाइनलमा पेनाल्टी सुटआउटमा ४–२ गोल अन्तरले पराजित भएको थियो ।
यसपालि उपाधिका लागि युभेन्ट्सले नापोली र एटलान्टाबीचको विजेतासँग खेल्नेछ । दोस्रो सेमिफाइनल बुधबार राति हुनेछ । फाइनल खेल भने मे १९ तारिखमा हुनेछ ।
