-
-
-
-
डडेलधुरा । सर्वोच्च अदालतले काँग्रेस सभापति शेरबहादुर देउवालाई प्रधानमन्त्री नियुक्त गर्न राष्ट्रपतिको नाममा परमादेश जारी गरेसँगै उनको गृह जिल्ला डडेलधुरामा खुसीयाली मनाइएको छ ।
जिल्ला सदरमुकाम बागबजारमा भेला भएका नेता कार्यकर्ताले सम्मानित सर्वोच्च अदालतको फैसलाको हार्दिक स्वागत गर्दछौ भन्दै नारा लगाउँदै विजय उत्सव मनाएका छन् ।
प्रधानमन्त्री केपी शर्मा ओलीले गत जेठ ६ गते गरेको प्रतिनिधिसभा विघटनविरुद्धका विभिन्न निवेदन उपर सुनुवाइ गर्दै सर्वोच्चले सोमवार प्रतिनिधिसभा विघटन संविधानको मूल्य, मान्यता अनुकूल नभएको भन्दै पुनर्स्थापना गर्ने फैसला गरेको छ ।
