काठमाडौं महानगरमा र्यापधुन, वालेन्द्र अगाडि, एमाले पछ्याउँदै, गठबन्धन पछाडि
हाम्रा कुरा
प्रकाशित २०७९ वैशाख ३१ शनिबार
926
Shares
काठमाडौं । काठमाडौं महानगरपालिकामा र्यापधुन बजिरहेको पाइएको छ । स्थानीय तहको निर्वाचनको मतगणना भइरहँदा स्वतन्त्र उम्मेदवार र्यापर एवं इन्जिनियर वालेन्द्र साह अगाडि देखिएका छन् । शुरुआतदेखि नै उनी अगाडि लागेका हुन् ।
१३ सय मत गणना हुँदा वालेन्द्रले ४५२, एमालेका उम्मेदवार केशव स्थापितले ३८८ तथा गठबन्धनबाट उम्मेदवार दिएकी नेपाली कांग्रेसकी उम्मेदवार सिर्जना सिंहले २४० मत पाएकी छिन् ।
राप्रपाका मदनदास श्रेष्ठले ५३ मत पाउँदा विवेकशील साझा पार्टीकी समीक्षा बास्कोटाले मात्र १३ मत पाएकी छिन् । उम्मेदवार नै नउठाएको नेकपा एकीकृत समाजवादीको कलम चुनाव चिन्हले १० मत पाएको छ ।
त्यस्तै उपमेयरमा एमालेकी उम्मेदवार सुनीता डंगोलले ५२० मत पाएकी छिन् । गठबन्धनका नेकपा एसका उम्मेदवार रामेश्वर श्रेष्ठले ११० मत पाउँदा राप्रपाका उम्मेदवारको १०० मत रहेको छ ।
हाल काठमाडौंका वडा १, २, ३ र ३२ को मतगणना भइरहेको हो ।
