काठमाडौँ । विमानस्थल भन्सार कार्यालयमा रहेको सुन हेर्ने एक्सरे मेसिनले सुन नै देखाउँदैन । वर्षौँ पुरानो मेसिन र त्यो पनि बिग्रेको अवस्थामा सञ्चालन गरी डिटेक्टर मेसिन रहेको देखाउनका लागि मात्रै राखिएको छ । तर सुनलाई देखाउँदैन । ‘विमानस्थलको डिटेक्टर मेसिन नै बिगारेको अवस्थामा पाइएको छ’, स्रोतले भन्यो । 

यो पनि पढ्नुहोस

घट्यो सुनचाँदीको भाउ, कतिमा हुँदैछ कारोबार ?

सोही मेसिन बिग्रेको अवस्थामा रेडी ट्रेडको नाममा ब्रेक सु र दारी काट्ने मेसिन मात्रै आयात भएको पाइएको छ । दिलीप भुजेलको स्वामित्व रहेको कम्पनीको नाममा २८ पटक सामान आयात भएको पाइएको भन्सार विभागको रेकर्डमा देखिएको छ । 

यो पनि पढ्नुहोस

सुनको भाउ स्थिर रहँदा चाँदीको घट्यो

रेडी ट्रेडको कम्पनीबाट आयात भएको सामानको लिष्ट हेर्दा १५ पटक ब्रेक प्याड, १२ पटक सेभर मेसिन र एकपटक मेकानिकल मोटर आयात देखिएको छ । राजश्व अनुसन्धान विभागले भने यो सबै समयमा सुन नै आयत गरिएको दाबी गरेको छ । 

यो पनि पढ्नुहोस

मनसुन शुरू हुन तीन हप्ता बाँकी, देशभर 'द्रुत प्रतिकार्य टोली' तयारी अवस्थामा

चैतमा दर्ता भएको सो कम्पनीबाट २०२३ को मे १७ अर्थात् २०८० साल जेठको ३ गतेबाट मात्रै सामान आयात गरिएको थियो । 

यो पनि पढ्नुहोस

बढ्यो सुनचाँदीको भाउ, कतिमा हुँदैछ कारोबार ?

‘पहिलोपटक २०८० जेठ ३ गते चीनको दोङ्गुन सुतु ट्रान्सपोर्टेन कम्पनी लिमिटेडबाट नेपालका लागि सामान पैठारी भएको देखिन्छ’, स्रोतले भन्यो । 

यो पनि पढ्नुहोस

सुनसहित सुर्खेतबाट व्यापारी अग्रवाल पक्राउ

त्यतिबेला सामान आयात गर्दा दाह्री काट्ने मेसिन अर्थात् सेभर आयात भएको देखिन्छ । कुल २ सय थान दाह्री काट्ने मेसिनको तौल ६६ किलोग्राम र त्यसको भन्सारमा घोषित मूल्य ४०० डलर राखिएको छ । 

यो पनि पढ्नुहोस

सुनको घाउ घट्दा चाँदीको बढ्यो, कतिमा हुँदैछ कारोबार ?

त्यसको ४ दिनपछि २०२३ को मे २१ अर्थात् २०८० जेठ ७ गते सोही ट्रान्सपोर्ट कम्पनीबाट २ सय थान सेभर ४ सय डलरको मूल्याङ्कन गरेर नै सामान ल्याइएको थियो । 

यो पनि पढ्नुहोस

एनआईसी एशिया बैङ्कको नेतृत्वमा फलाखु खोला जलविद्युत आयोजनामा ९५ करोड २० लाख लगानी सुनिश्चित

त्यस्तै २०२३ मे २४ अर्थात् २०८० जेठ १० गते जियाङनेन फेङतोङ ट्रान्सपोर्टेसन कम्पनी लिमिटेड चीनबाट ४० थान ब्रेक प्याड आयात भएको देखिन्छ । 

यो पनि पढ्नुहोस

मनसुनको जोखिमः सुदूरपश्चिममा ३३ हजारभन्दा बढी नागरिक प्रभावित हुने अनुमान [भिडियो]

उक्त ४० थान ब्रेक प्याडको कूल तौल ३४ किलोग्राम उल्लेख गरिएको छ भने त्यसको भन्सारमा घोषित मूल्य १२० डलर राखिएको छ । 

यो पनि पढ्नुहोस

सुदूरपश्चिममा मनसुनबाट ३३ हजारभन्दा बढी नागरिक प्रभावित हुने अनुमान

रेडी ट्रेड प्रालीको नाममा सामान आयात गर्दा कहिले ब्रेक प्याड त कहिले दाह्री काट्ने सेभर ल्याएको पाइएको छ । 

यो पनि पढ्नुहोस

बजेटको असर सुन बजारमा, एकै दिन २० हजार पाँच सय बढ्यो सुनको भाउ

ब्रेक प्याड र दाह्री काट्ने सेभर दुवै चीनबाट आयात भएको छ । २०२३ को मे २६ अर्थात् २०८० जेठ १२ गते ताइवानबाट मेकानिकल मोटरसमेत आयात भएको देखिएको छ । 

ताइवानको तलमुड कम्पनी लिमिटेडबाट ५२ किलोग्राम तौल भएको ४८० अमेरिकी डलर भन्सार मूल्य घोषित भएको सामान आएको देखिन्छ । 

यसरी हेर्दा राजश्व अनुसन्धान विभागका कर्मचारीका अनुसार एक्सरे मेसिन बिगारेको अवस्थामा सुन तस्करी भएको हुनसक्छ । 

दुई वर्षअघि सुन तस्करी बढेको र त्यसलाई नियन्त्रणमा लिनका लागि एउटा शक्तिशाली मेसिन किन्ने प्रस्ताव गरिएको थियो । 

विमानस्थलका तत्कालीन प्रमुख सहसचिव लक्ष्मी निरौलाले दुई वर्ष अघि सो प्रस्ताव गर्दा उनलाई ७ महिनामै त्यहाँबाट सरुवा गरिएको थियो । 

उनले गरेको कम्युटर टोमोग्राफी एक्सपोसिभ डिटेक्टिभ सिष्टम (सीटी ईडीएस) नामको मेसिन किन्ने प्रस्तावलाई बेवास्ता गर्दै अहिले चालु हालतमा रहेकै मेसिनबाट काम चलाइएको थियो । 

अहिले त्यो मेसिनबाटै चेक भएर करिब १ सय किलो सुन बाहिरिएको थियो । विमानस्थलको सो मेसिनले बिहीबार पनि सुन नदेखाएको स्रोतको दाबी छ । ‘परीक्षणका लागि केही सुनसहित मानिस प्रवेश गरिएको थियो सुन देखिएन’, स्रोतले भन्यो ।