-
-
-
-
काठमाडौँ । डडेलधुरा पुगेर नेपाली कांग्रेसका सभापति शेरबहादुर देउवालाई नेकपा एमालेका अध्यक्ष केपी शर्मा ओलीले फोन गरेका छन् ।
डडेलधुरा पुगेका ओलीले देउवालाई आफू बसेको स्थानबाट फोन गरेका हुन् ।
ओली बिहीबार राति डडेलधुरा बजार भन्दा तल बसेका थिए ।
उनले डडेलधुराको गन्यापधुरा छेउमा पुगेर फोन गरेका हुन् ।
उनले देउवालाई तपाईँको जिल्लामा आएर सम्झिएको भनेका छन् ।
देउवाले पनि ओलीलाई डडेलधुरामा स्वागत छ भनेका छन् ।
अहिले ओली र रास्वपाका सभापति रवि लामिछानेले मध्यावधि निर्वाचनमा जानुपर्छ भन्दै सार्वजनिक रूपमा टिप्पणी गर्दै आइरहेका छन् ।
प्रधानमन्त्री पुष्पकमल दाहाल प्रचण्ड भने दुबई भ्रमणबाट फर्किएपछि मन्त्री फेर्ने तयारीमा छन् ।
यता कांग्रेस र एमाले मिले नयाँ सरकार गठन हुनेमा अन्य दलहरू चिन्तित छन् ।
ओलीले देउवालाई सम्झेपछि अरू दल झस्किएका छन् ।
