नयाँदिल्ली । भारतको नयाँदिल्लीका पूर्व मुख्यमन्त्री अरविन्द केजरीवालको पार्टी आम आदमी पार्टीका विधायक नरेश बालियानलाई दिल्ली प्रहरीको अपराध शाखाले पक्राउ गरेको छ । लामो सोधपुछपछि बालियानलाई पक्राउ गरिएको भारतीय सञ्चारमाध्यमले जनाएका छन् । जबरजस्ती असुली मुद्दामा आप विधायक विरुद्ध यो कारबाही गरिएको हो।
नरेश बालियानको अडियो क्लिप भाजपाले जारी गरेको छ। बल्यान र गुण्डा नाइके कपिल साङ्वान उर्फ नन्दुबीच भएको कुराकानीको अडियो क्लिप सार्वजनिक भएको थियो । उक्त कुराकानीमा व्यवसायीहरुबाट फिरौती रकम असुल्ने विषयमा पनि छलफल भएको बताइएको छ । थप अनुसन्धान जारी छ।
उत्तम नगरबाट आम आदमी पार्टीका विधायक नरेश बालियानको कथित अडियो भाजपा नेता अमित मालवीयले सोशल मिडिया प्लेटफर्म एक्समा पोस्ट गरेका थिए। उनले निर्माण व्यवसायीसँग गुण्डामार्फत फिरौती मागेको आरोप छ ।
यद्यपि बालियानले आरोपहरू अस्वीकार गरेका छन् र उनले भनेका छन कि जब केजरीवालले कानून र व्यवस्थामा भाजपालाई आक्रमण गरे, उनले धेरै वर्ष पुरानो झूटा समाचार बाहिर ल्याउने काम गरिरहेका छन् ।
यसअघि आम आदमी पार्टीलाई जबरजस्ती र्याकेट चलाएको आरोपमा निशाना बनाउँदै भाजपा नेता गौरव भाटियाले भनेका थिए, ‘दिल्लीको निर्वाचित सरकार जनतालाई धम्की दिन्छ, यो अडियो क्लिप सार्वजनिक भएपछि केजरीवाल र आतिशीको अडान के छ रु यदि अरविन्द केजरीवालले जवाफ दिएनन् भने, उनले विधायक मार्फत पैसा जम्मा गरेको मानिनेछ।’
