चन्द्रकान्त पन्थीको स्मृतिमा श्रद्धाञ्जली कार्यक्रम

चन्द्रकान्त पन्थीको स्मृतिमा श्रद्धाञ्जली कार्यक्रम

हाम्रा कुरा

प्रकाशित २०७९ फागुन ३ बुधबार

बुटवल । भनभने (गुल्मी) सम्पर्क समाज रुपन्देहीद्वारा गुल्मी जिल्ला मदाने ७ मा रहेको दीपक माविका पूर्व प्राचार्य चन्द्रकान्त पन्थीको देहावसान भएको पाचौँ दिनको दिन उनकै वासस्थान बुटवल १३ मा श्रद्धाञ्जली कार्यक्रम भएको छ ।

किरियापुत्री रहेकै स्थलमा भएको कार्यक्रममा समाजका अध्यक्ष लोकनाथ पन्थीले चन्द्रकान्त पन्थीको सामाजिक, शैक्षिक, धार्मिक र राजनैतिक योगदानको चर्चा गर्दै शोकाकुल परिवारलाई हार्दिक समवेदना व्यक्त गरे । कार्यक्रम समाजका सचिव भोजबहादुर जिसीले सञ्चालन गरेका थिए ।

त्यस्तै गौली पन्थी अध्ययन अनुसन्धान सेवा समाजले पनि स्वर्गीय चन्द्रकान्त पन्थीकै निवासमा श्रद्धाञ्जली सभा आयोजना गर्यो । अध्यक्ष वासुदेव पन्थीको अध्यक्षता र सचिव रामप्रसाद पन्थीको सञ्चालनमा कार्यक्रम भएको थियो ।