-
-
-
-
काठमाडौँ । पेरिस ओलम्पिकको स्वर्ण पदकका लागि फाइनलमा पुगेकी भारतीय पहलवान विनेस फोगट फाइनल खेल्न अयोग्य हुँदै बाहिरिएकी छिन् ।
भारतीय समाचार एजेन्सी पिटीआईका अनुसार ५० केजी समूहमा खेलिरहेकी फोगटको वजन सय ग्राम बढी भएका कारण उनलाई फाइनल खेल्न अयोग्य घोषित गरिएको हो ।
उनी गएराति क्युबाकी पहलमानलाई हराउँदै फाइनलमा पुगेकी थिइन् ।
फोगट अयोग्य भएसँगै यस ओलम्पिकमा उनको स्वर्ण सपना तुहिएको छ । मंगलबार उनले तीन खेलाडीलाई हराएर फाइनलमा ठाउँ बनाएकी थिइन् ।
तर अयोग्य घोषित भएसँगै उनले कुनै पनि पदक जित्ने छैनिन् । उनले गरेको अपील पनि खारेज भएको छ ।
