काठमाडौँ। प्रतिनिधि सभाको आगामी बैठकमा प्रधानमन्त्री केपी शर्मा ओली ले सांसदहरूका प्रश्नको जवाफ दिने भएका छन्।
मंगलबार बसेको प्रतिनिधि सभा बैठकमा सभामुख देवराज घिमिरेले साउन ७ गते बस्ने प्रतिनिधि सभा बैठकमा प्रधानमन्त्रीसँग प्रश्नोत्तर कार्यक्रम हुने जानकारी दिए।
प्रतिनिधि सभा नियमावली, २०७९ को परिच्छेद ९ अनुसार, प्रत्येक महिनाको पहिलो साता प्रधानमन्त्रीसँग प्रश्नोत्तर हुने व्यवस्था छ।
सभामुख घिमिरेले समूह दशमा रहेका सांसदहरूलाई साउन २ गते दिउँसो १ बजेभित्र प्रतिनिधि सभाका सचिवसमक्ष प्रश्न बुझाउनसमेत आग्रह गरेका छन्।
प्रश्नोत्तर कार्यक्रममा सांसदहरूले प्रधानमन्त्री वा प्रधानमन्त्रीको कार्यक्षेत्रसँग प्रत्यक्ष रूपमा सम्बन्धित विषयमा प्रश्न सोध्न सक्नेछन्।
