-
-
-
-
काठमाडौं । इटालियन सिरी ए फुटबलमा क्रिष्टियानो रोनाल्डोले गोल गरे पनि डिफेन्डिङ च्याम्पियन युभेन्ट्सलाई जिताउन सकेनन् । शनिबार राति भएको खेलमा युभेन्ट्स हेलास भेरोनासँग १–१ गोलको बराबरीमा रोकिएको हो ।
भेरोनाको मैदानमा एक गोलको अग्रता जोगाउन नसक्दा युभेन्ट्सले अंक बाँड्नु परेको हो । पहिलो हाफ गोलरहित बराबरीमा सकिएको खेलको दोस्रो हाफमा युभेन्ट्सले अग्रता लिएको थियो ।
खेलको ४९ औं मिनेटमा रोनाल्डोको गोलबाट युभेन्ट्सले अग्रता बनाएको थियो । तर ७७ औं मिनेटमा एन्टोनियो बाराकले गोल गर्दै भेरोनालाई हारबाट जोगाए ।
यस बराबरीले युभेन्ट्सलाई भने धक्का लागेको छ ।
अन्य खेलको नतिजा
स्पेजिया २–२ पार्मा काल्सियो
बोलोग्ना २–० लाजियो
अंक तालिका
इन्टर मिलान २३ खेलबाट ५० अंकसहित शीर्ष स्थानमा छ । २३ खेलबाट ४९ अंकको एसी मिलान दोस्रो स्थानमा छ भने युभेन्ट्स २३ खेलबाटै ४६ अंकसहित तेस्रो स्थानमा छ ।
२३ खेलबाट ४४ अंकसहित एएस रोमा चौथो स्थानमा छ ।
