-
-
-
-
काठमाडौँ । पेरिस ओलम्पिकमा नेपाली ब्याडमिन्टन खेलाडी प्रिन्स दाहाल समूह चरणको पहिलो खेलमै पराजित भएका छन् ।
शनिबार राति सम्पन्न पहिलो खेलमा प्रिन्स डिफेन्डिङ च्याम्पियन भिक्टर एक्सल्सनसँग लगातार दुई सेटमा पराजित भएका हुन् ।
भिक्टरले पहिलो सेट २१–८ ले जितेका थिए भने दोस्रो सेट २१–६ ले जितेका थिए ।
समूह ‘पी’ मा रहेका प्रिन्सको यो हारसँगै अन्तिम १६ मा पुग्ने सम्भावना कमजोर भएको छ ।
उनले दोस्रो खेल आयरल्यान्डका नियात न्युयेनसँग सोमबार खेल्ने छन् ।
यस्तै समूह चरणको अन्तिम खेल इजरायलका मिसा जिल्बरम्यानसँग मंगलबार खेल्नेछन् ।
१६ वटा समूहका शीर्ष खेलाडीले अन्तिम १६ मा प्रवेश पाउनेछन् ।
यसअघि टेबलटेनिस खेलाडी स्यान्टु श्रेष्ठ पनि पहिलो चरणमै पराजित भएका थिए ।
